අමෙරිකානු එක්සත් ජනපද රාජ්ය ලේකම් මයික් පොම්පෙයෝ මහතා දෙදින නිල සංචාරයක් සඳහා හෙට (27) දිවයිනට පැමිණීමට නියමිතව තිබේ.
ඔහු ලබන 28 වනදා දක්වා මෙරට රැඳී සිටින අතර සිය සංචාරය අතරතුර දී ජනාධිපතිවරයා, අග්රාමාත්යවරයා සහ විදේශ කටයුතු අමාත්යවරයා සමග සාකච්ඡා පැවැත්වීමට නියමිතයි.
රජයේ ප්රවෘත්ති දෙපාර්තමේන්තුව සඳහන් කළේ, දෙරට අතර පවතින බහුආංශික කටයුතුවලට අදාළ ක්ෂේත්ර කිහිපයක් අදාළව එහිදී අවධානය යොමු කිරීමට නියමිත බවයි.
අමෙරිකානු ජනාධිපති ඩොනල්ඩ් ට්රම්ප් මහතාගේ ධූරකාලය තුළ මෙරටට පැමිණෙන ඉහළම මට්ටමේ ඇමරිකානු රාජ්ය නිලධාරියා වන්නේ පොම්පෙයෝ මහතාය.