ශ්‍රී ලංකා ක්‍රිකට් කණ්ඩායමේ හිටපු නායකයෙක් වන ලෝක පූජිත කුමාර් සංගක්කාර ක්‍රික්බස සමඟ සාකච්ඡාවකට එක්වෙමින් කියා සිටියේ අධ්‍යාපනයේ පරතරය වසර ගණනාවක් තිස්සේ ජාතිවාදය පෝෂණය කිරීමට ඉඩ දී ඇති බවය.
“අප සියලු දෙනාටම අපේ රටට ආදරය කිරීමට උගන්වා ඇත. නමුත් සමහර විට අපි එය අන්ධ ලෙස අනුගමනය කරන අතර එමඟින් වෙනත් සංස්කෘතීන්, වෙනත් රටවල්, වෙනත් පුද්ගලයින්, වෙනත් ජාතීන්, වෙනත් ආගම් අගය කිරීම වළක්වයි.”මෙම සංවාදයට එක්වෙමින් සංගක්කාර පෙන්වා දුන්නේය.
පුද්ගලයෙකුට වෙනස් කොට සැලකීමට හා වාර්ගික හිංසනයට මුහුණ දීමට විවිධ ක්‍රම ඇති බව පැවසූ සංගක්කාර එය හමේ වර්ණය මත පමණක්ව සිදු නොවන බව තම හැඟීම බව ද පැවසීය.
මැයි මාසයේදී එක්සත් ජනපදයේ මිනියාපොලිස් පොලිස් භටයෙකු අතින් අප්‍රිකානු-ඇමරිකානු ජෝර්ජ් ෆ්ලොයිඩ් මිය යාමෙන් පසු මේ වන විට ලොව පුරා ව්‍යාප්ත වෙමින් පවතින බ්ලැක් ලයිව්ස් මැටර් සමඟ එකඟ වෙමින් ඔබ ජාතිවාදය ප්‍රතික්ෂේප කරමින් හා වෙනස් කොට සැලකීම සිදු නොකරන්නේ නම්, මම හිතන්නේ වඩාත් වැදගත් දෙයක් වන්නේ අපේ දරුවන්ට ඉතිහාසය ඉගැන්විය යුතු ආකාරයට එය ඉගැන්වීම බව සංගක්කාර මෙහිදි පෙන්වා දුන්නේය.
“සැබෑ ඉතිහාසය යනු කුමක්දැයි ඔබ තේරුම් ගත් පසු, මම හිතන්නේ ඔබට ආකල්පමය වෙනස්කම් රාශියක් සොයාගත හැකි වනු ඇත,” සංගක්කාර තව දුරටත් එම කරුණු පැහැදිළි කරමින් පැවසීය.
