මහා පරිමාණ මත්ද්‍රව්‍ය ජාවරම්කරුවකු වන දැනට මරණීය දණ්ඩනය නියමව බුස්ස කඳවුරේ රඳවා සිටින සමන්ත කුමාර හෙවත් වෙලේ සුදාට දැඩි ආරක්ෂාවක් සලසා දෙන ලෙස කොළඹ ප්‍රධාන මහේස්ත්‍රාත් ලංකා ජයරත්න මෙණෙවිය ඊයේ (23) බන්ධනාගාර අධිකාරිවරයාට ලිඛිතව දැනුම් දුන්නා.
මුදල් විශුද්ධිකරණ පනත යටතේ කොළඹ ප්‍රධාන මහේස්ත්‍රාත් හමුවේ විභාග වන නඩුවකට අදාළව මෝසමක් ගොනුකරමින් ඔහුගේ නීතිඥවරයා කළ ඉල්ලීම සලකා මහේස්ත්‍රාත්වරිය මෙම නියෝගය කල අතර සැකකරු වෙනුවෙන් ජනාධිපති නීතිඥ අනුර මද්දගොඩ මහතා මෝසමක් ගොනුකරමින් සඳහන් කරනු ලැබුවේ තම සේවා දායකයා බුස්ස කඳවුරේ රඳවා සිටින බවත් දැනට උද්ගතව ඇති තත්වය හමුවේ ඔහුගේ ආරක්ෂාව සම්බන්ධයෙන් අවධානය යොමුකර ලිඛිත දැනුම් දීමක් බන්ධනාගාර අධිකාරිවරයාට කරන ලෙසටයි.
