මහ මැතිවරණයට සම්බන්ධව මැතිවරණ නීති හා අනෙකුත් නීති උල්ලංඝණය කිරීම් 1469ක් පසුගිය සිකුරාදා වන විට වාර්තා වී ඇතැයි පැෆරල් සංවිධානයේ අධ්‍යක්ෂ රෝහණ හෙට්ටිආරච්චි මහතා සිළුමිණට කීවේය. ඒ අතර බරපතළ ප්‍රචණ්ඩ ක්‍රියාවන්ට අදාළ සිද්ධීන් 58ක් වාර්තා වී තිබූ බවද හෙට්ටිආරච්චි මහතා පෙන්වා දුන්නේය.
නීති විරෝධී ප්‍රචාරණ කටයුතු සම්බන්ධව පැමිණිලි 876ක් වාර්තා වී තිබුණු බවද ඔහු පෙන්වා දුන්නේය.
මීට අමතරව දේශපාලන කටයුතුවලදී පහරදීම් 24ක් පිළිබඳ පැමිණිලි ලැබී ඇති බවද එම සංවිධානය කියයි. මේ අතර බරපතළ පහර දීම් 9ක්ද එකම පක්ෂයේ ආරවුල් 6ක්ද විරුද්ධ පක්ෂ අතර ආරවුල් 9ක්ද වාර්තා වී තිබේ.
එසේම මෙවර මැතිවරණයට ඉදිරිපත්ව සිටින ඡන්ද අපේක්ෂකයන් අතුරින් 201 දෙනකු මේ වන විට සෞඛ්‍ය අංශ ලබා දී ඇති මැතිවරණ නීති උල්ලංඝනය කර ඇතැයි ද එම හෙට්ටිආරච්චි මහතා පෙන්වා දුන්නේය.
