ඔස්ට්‍රේලියාවේ වික්ටෝරියා ප්‍රාන්තයේ දිනක් තුළ වාර්තා වූ වැඩිම කොරෝනා ආසාදිතයන් ගණන වාර්තා වී තිබෙනවා. එම සංඛ්‍යාව 532 ක්. මේ අතර ගතවූ පැය 24 දී මරණ හයක් ද වාර්තා වුණා.
මේ වනවිට ප්‍රාන්තය තුළ රෝගීන් 4542 ක් සිටිනවා. ඉන් 683 දෙනකු වැඩිහිටි නිවාස ආශ්‍රිත අය බව වාර්තා වන අතර සෞඛ්‍ය සේවකයන් 400 ක් ද ඒ අතර වනවා. රෝහල්ගතව ප්‍රතිකාර ලබන සංඛ්‍යාව 245 ක්. ඉන් 44 දෙනකු දැඩි සත්කාර ඒකකවල ප්‍රතිකාර ලබනවා.
නිව් සවුත් වේල්ස් ප්‍රාන්තයෙන් ද නව ආසාදිතයින් 17 දෙනකු වාර්තා වුණා. අනෙකුත් ප්‍රාන්තවල ද ආසාදිතයන් කිහිප දෙනකු අලුතින් වාර්තා වුණ ද ඔවුන් ප්‍රජාව තුලින් හමුවූවන් නොවේ.
