බුද්ධ ශාසන සංස්කෘතික සහ ආගමික කටයුතු අමාත්‍යාංශය, සංස්කෘතික කටයුතු දෙපාර්තමේන්තුව හා ශ්‍රී ලංකා කලා මණ්ඩල‍ෙය් රාජ්‍ය දෘශ්‍ය කලා අනුමණ්ඩලය එක්ව සංවිධානය කරන 2020 රාජ්‍ය ළමා චිත්‍ර උලෙළ හා 2020 රාජ්‍ය චිත්‍ර මූර්ති උලෙළ සඳහා නිර්මාණ භාර ගැනීම 2020 අගෝස්තු මස 15 වන දින දක්වා දීර්ඝ කර ඇත.
සියලුම අයදුම්කරුවන් සංස්කෘතික කටයුතු දෙපාර්තමේන්තුව විසින් නිකුත් කරන ලද අයදුම්පත නිසි පරිදි සම්පූර්ණ කර 2020 අගෝස්තු මස 15 දිනට පෙර 2020 රාජ්‍ය ළමා චිත්‍ර උලෙළ සඳහා වූ නිර්මාණ කොළඹ 07 , ජාතික කලා භවන යන ලිපිනයට තැපෑලෙන් හෝ ගෙනැවිත් භාරදිය හැක. අදාළ අයදුම්පත හා සංස්කෘතික කටයුතු දෙපාර්තමේන්තුව දෘශ්‍ය කලා අනුමණ්ඩලය 8 වන මහල, සෙත්සිරිපාය, බත්තරමුල්ල යන ලිපිනයෙන් ලබාගත හැකිය. මීට අමතරව දිවයින පුරා ඇති සෑම දිස්ත්‍රික් ලේකම් කාර්යාලයකම සංස්කෘතික නිලධාරීන් මගින් හෝ www.culturaldept.gov.lk යන වෙබ් අඩවියට පිවිසීමෙන් අදාළ අයදුම්පත් හා ව්‍යවස්ථාව ලබාගැනීමේ හැකියාව තිබේ.
මේ සම්මාන උලෙළ පිළිබඳව වැඩි විස්තර 0112882551 යන දුරකතන අංකයට ඇමතීමෙන් ලබා ගත හැකිය.
