ලිස්බන් නගරයේ පැවති UEFA චැම්පියන්ස් ලීග් අර්ධ අවසන් පූර්ව තරගයකදී බෙයර්න් මියුනික් ක්‍රීඩා සමාජ පිළ විසින් බාර්සිලෝනා පිළ 8-2 ක් ලෙස පරාජය කළා.
මෙය යුරෝපා චැම්පියන්ස් ලීග් තරගයක බාර්සිලෝනා පිළ ලද අන්තම පරාජය ලෙසයි ගැනෙන්නේ.
තරගය උද්වේගකර ලෙස ඇරඹි අතර සිව් වන විනාඩියේදී තොමස් මුලර් බෙයර්න් පිළ වෙනුවෙන් පළමු ගෝලය ලබා ගත්තා. ඩේවිඩ් ඇල්බා විසින් තමුන්ගේ ගෝලයටම එල්ල කළ පහරකින් විනාඩි ගණනක් තුළ ලකුණු සම වුණා. ලියොනෙල් මෙසී හා සුවාරෙස්ට ගෝල ලබාගැනීමේ අවස්ථා ගිලිහී ද ඒ ආසන්නයේම දකින්න ලැබුණා.
ඉන්පසුව බෙයර්න් පිළ තරගය අතට ගත් අතර තිස් එක්වන විනාඩිය වෙද්දී තොමස් මුලර්ගේ දෙවන ගෝලයත් සමග ලකුණු සංඛ්‍යාව දැක්වුණේ 4-1 ක් ලෙසයි.
තරගයේ 57 වන මිනිත්තුවේදී සුවාරෙස් ලබාගත් ගෝලය සමග බාර්සිලෝනා පිළට සුළු බලාපොරොත්තුවක් ලැබුණා. එහෙත් බෙයර්න් පිළේ ජෝෂුවා කිමිච් විනාඩි හයක් ඇතුළත බෙයර්න් පිළ නැවත ඉදිරියට ගෙන ගියා. බාර්සිලෝනා පිළේ සියළු බලාපොරොත්තු සුණු විසුණු වී ගියේ 82 වන මිනිත්තුවේදී රොබර්ට් ලෙවන්ඩොව්ස්කි ලබාගත් ගෝලය හා අවසන් විනාඩි කිහිපයේදී ෆිලීපේ කුටිඤ්ඤෝ ලබාගත් ගෝල දෙකත් සමගයි.
මේ අනුව බෙයර්න් පිළ අවසන් පූර්ව වටයට සුදුසුකම් ලද අතර ඔවුන් මැන්චෙස්ටර් සිටි සහ ලියොන් අතර තරගයේ ජයග්‍රාහකයා සමග ඊට මුහුණ දෙනු ඇති.
